Padel pista bat eraikiko dute Espejon

Espejo PlazaGaubean bakoitzak bere astoari egiten dio arre. Bovedan gastuei aurre egin ezinik igerilekua itxi eta harearekin estali behar izan duten bitartean Espejon padel pista estalia eraikiko dute. Inbertsioa egiteko aitzakia da hamar kilometro eskasera dagoen Lantarongo padel pistara hurbildu behar direla Gaubeako jokalariak, eta antza bidea luzea egiten zaie.

Udalak El Eco de Valdegovia EAJren aldizkariaren bitartez zabaldu berri du egitasmoa. 30.000 euro inbertituko dituzte obra egiteko, Udalaren inbertsioaz gainera Eusko Jaurlaritzaren Erein plana eta Arabako Aldundiaren Foru Plana baliatuko dituzte. EAJren arabera, etorkizunera begira padel pistak ez du diru inbertsiorik behar izango orduro 10 euro inguru kobratuko baitituzte pistak erabiltzeko eta ondorioz mantentze lanak finantzatu ahal izango dituzte. Jarraitu “Padel pista bat eraikiko dute Espejon” irakurtzen

Arreoko lakua berreskuratzeko eta babesteko ekimena aurrera doa

IMGP4714Nabarmen aldatu da Caicedo Yusoko edo Arreoko lakua 2013. urtean ingurunea berreskuratzeko eta babesteko Life Tremedal ekimena martxan jarri zutenetik. Toki isolatua da Arreo baina hala ere presio handia eragiten zuten lakuan nekazaritzak batetik eta espezie inbaditzaileek bestetik. Jarduera arriskutsuak zuzentzeko planaren ondorioak begi bistan dira orain, lakua hesitu eta tokiko zuhaitzak eta landareak jarri dituzte eta ibilibide mugatua ezarri dute lakua inguratu nahi izanez gero. Iaz gainera espezie inbaditzaileak kontrolatzeko harrapaketa lan handia egin zuten.

Caicedo Yuso kontzejuan dago Arreo, Lantaronen, eta Euskal Autonomia Erkidegoko laku natural iraunkor bakarra da. Itsasoaren mailatik 650 metroko altitudean dago eta iturburu gazi batek osatzen duen elikadura arro txiki bat dauka. Gainera, Iberiar Penintsulan gatz tximinien gainean dauden bi lakuetako bat da. Gesaltzako gatz haranarekin lotura hidrogeologiko zuzena du Arreok. Jarraitu “Arreoko lakua berreskuratzeko eta babesteko ekimena aurrera doa” irakurtzen

Iruña Veleia, harresiaren bi aldeetatik begira

IMGP4527Ostraken inguruko afera jazo zenetik harresi itxurakoa eraiki da gizartearen jakinminaren eta Iruña Veleiako ondarearen artean. Ustezko iruzurrak -egun epaitegietan dago auzia- errezeloa zabaldu du bertako jardueraren inguruan. Gainera erakunde publikoen eta pribatuen aldetik arkeologoen lanak laguntzeko ahalegina murriztu egin da nabarmen. Gauzak horrela gutxi dira egun Tresponde herrian kokaturiko leku miresgarrira hurbiltzen direnak. Eskolako ume gutxi, bisitari gutxi.

Hala eta guztiz ere egoera iraultzeko eta buruko harresiak apurtzeko lan egiten jarraitzen dute egun arkeologoek. Indusketak aurrera darrai eta gainera otsailetik aurrera bisitaldi gidatuak antolatzen ari dira berriz Arabako arkeologi aztarnategi nagusian atzemandako altxorrak zabaltzeko. Jarraitu “Iruña Veleia, harresiaren bi aldeetatik begira” irakurtzen

Argazki lehiaketa antolatu du Añanako Ekoizleen Azokak

IMG_0002Maiatzak 25era arte aukera izango da Añanako Ekoizleen Azokak antolatu duen lehen argazki lehiaketan parte hartzeko. Sari gisa Uribarri Gaubeako azokan salgai jartzen ohi dituzten produktuekin osatutako saskia banatuko dute. Hiru maila zehaztu dituzte eta hiruretan banatuko dira sariak, 12 urtetik beherakoentzat, 12 eta 17 urte dituztenentzat, eta 17 urtetik gorakoentzat. Jarraitu “Argazki lehiaketa antolatu du Añanako Ekoizleen Azokak” irakurtzen

Auto bidaiak konpartitzeko ekimena prest da Gaubean

IMG_1623Govimuf izeneko sistema informatikoa martxan jarri du Gaubeako Udalak eskualdean bizi direnek auto bidaiak konpartitzeko aukera izan dezaten. Hala webgune baten bitartez bizilagunek euren bidaien berri emango dute eta nahi duenak ibilbidea konpartitu ahal izango du. Udalaren ustetan, haraneko mugikortasunerako proiektu garrantzitsua da eta bizilagunen joan-etorriak bermatuko dira, orain ez bezala.

Govimuf sistemaren bitartez Gaubeatik Gasteizera edo beste edozein herrira egunero dauden joan-etorriak partekatuko dira. Euren bidaiak publikatu nahi dituzten gaubearrek http://villanueva-de-valdegovia.govimuf.com orrian sartu eta bertan ageri den formularioan helbide elektronikoa eta hurrengo egunetan egingo dituzten joan etorriak sartuko dituzte. Hala, bidaiatzeko beharra duenak eta autoa edo autobusa ezin duena erabili, web orrian sartu eta pertsona horrekin kontaktuan jarriko da joan-etorria konpartitzeko. Jarraitu “Auto bidaiak konpartitzeko ekimena prest da Gaubean” irakurtzen

Enplegua sortzeko ekimenak abiatu dituzte Añanako Kuadrillan

IMGP4519Enplegua sortzeko urratsak egin berri dituzte Gaubeako Udalak eta Añanako Landa Garapenerako Elkarteak. Udalerrian enpresa berriak sortzeko edo azken bi urteetan sortu direnak laguntzeko 128.242 euroko diru partida banatuko du Gaubeako Udalak urtea amaitu bitartean. Ezinbesteko baldintzak dira enpresa Gaubean kokatzea, bertan erroldatuta egotea eta bi urteko jarduera bermatzea dirulaguntza jaso eta gero. Itzuli beharrik gabeko dirulaguntza da.

Enplegua sortzeko urratsak egin berri dituzte Gaubeako Udalak eta Añanako Landa Garapenerako Elkarteak. Udalerrian enpresa berriak sortzeko edo azken bi urteetan sortu direnak laguntzeko 128.242 euroko diru partida banatuko du Gaubeako Udalak urtea amaitu bitartean. Ezinbesteko baldintzak dira enpresa Gaubean kokatzea, bertan erroldatuta egotea eta bi urteko jarduera bermatzea dirulaguntza jaso eta gero. Itzuli beharrik gabeko dirulaguntza da.
Gaubeako udalbatzak iragan otsailan onartu zuen aipatu diru kopurua eskualdeko enpresa txikiak eta autonomoak laguntzeko asmoz. Hala, hamar langiletik beherakoentzat banatuko dira partidak eta askoz jota enpresa bakoitzak aurkezten duen aurrekontuaren %40a estaliko da era honetan. Inolaz ere ez da 24.000 euro baino gehiago emango enpresa bakoitzari. Jarraitu “Enplegua sortzeko ekimenak abiatu dituzte Añanako Kuadrillan” irakurtzen